Campicoltura Valposchiavo https://campicoltura.ch/ Sun, 25 Sep 2022 14:16:27 +0000 it-IT hourly 1 https://wordpress.org/?v=7.0 https://campicoltura.ch/wp-content/uploads/cropped-favicon-Campicoltura-giallo-32x32.png Campicoltura Valposchiavo https://campicoltura.ch/ 32 32 Yari Bernasconi cun Bruno Pellegrino https://campicoltura.ch/yari-bernasconi-cun-bruno-pellegrino/ Sat, 10 Sep 2022 10:54:36 +0000 https://lettereallavalposchiavo.ch/?p=6508 Dumengia, als 9 d’october 14:00, Casa Torre Reservaziun Yari Bernasconi discurra cun Bruno Pellegrino (FR/IT) Yari Bernasconi è naschì a Lugano dal 1982 e viva a Hinterkappelen, sper Berna. Suenter il debut cun il poem Lettera da Dejevo (Alla chiara fonte) dal 2009 e la rimnada Non è vero che saremo perdonati (en l’Undicesimo quaderno italiano […]

L'articolo Yari Bernasconi cun Bruno Pellegrino proviene da Campicoltura Valposchiavo.

]]>

Dumengia, als 9 d’october

14:00, Casa Torre
Reservaziun

Yari Bernasconi discurra cun Bruno Pellegrino

(FR/IT)

Yari Bernasconi è naschì a Lugano dal 1982 e viva a Hinterkappelen, sper Berna. Suenter il debut cun il poem Lettera da Dejevo (Alla chiara fonte) dal 2009 e la rimnada Non è vero che saremo perdonati (en l’Undicesimo quaderno italiano di poesia contemporanea, Marcos y Marcos, 2012), ha el publitgà pliras plaquettes e dus cudeschs da poesia: Nuovi giorni di polvere (Edizioni Casagrande, 2015, Premi Terra Nova da la Fundaziun Schiller, translatà per franzos dad Anita Rochedy tar las éditions d’en bas ed en tudestg da Julia Dengg tar Limmat Verlag) e La casa vuota (Marcos y Marcos, 2021, Premi svizzer da litteratura). Yari Bernasconi ha er scrit, ensemen cun il scriptur Andrea Fazioli, il reportage litterar A Zurigo, sulla luna. Dodici mesi in Paradeplatz (Gabriele Capelli Editore, 2021, translatà per tudestg da Marina Galli tar Limmat Verlag).

Bruno Pellegrino è naschì dal 1988 e viva a Losanna e Berlin. El ha survegnì il Prix du jeune écrivain per ses raquint L’idiot du village (Buchet/Chastel, 2011), ed ha publitgà ses emprim cudesch dal 2015, Comme Atlas (reed. Zoé poche, 2018). Là-bas, août est un mois d’automne (Zoé, 2018) survegn plirs premis, tranter quels il Prix des Libraires Payot ed il Prix Écritures & Spiritualités. Ses davos roman, Dans la ville provisoire (Zoé, 2021), ha survegnì il Prix Dentan. Activ durant diesch onns en il collectiv AJAR, Bruno Pellegrino ha participà a scriver, ensemen cun Aude Seigne e Daniel Vuataz, las duas stagiuns d’ina seria litterara, Stand-by (Zoé, 2018 et 2019), ed in «roman de gare», Terre-des-Fins (Zoé, 2022).

←
→

L'articolo Yari Bernasconi cun Bruno Pellegrino proviene da Campicoltura Valposchiavo.

]]> Ruth Gantert cun Melinda Nadj Abonji https://campicoltura.ch/ruth-gantert-cun-melinda-nadj-abonji/ Tue, 06 Sep 2022 18:41:32 +0000 https://lettereallavalposchiavo.ch/?p=5922 Dumengia, als 9 d’october 16:00, Casa Torre Reservaziun Ruth Gantert discurra cun Melinda Nadj Abonji Deutscher Buchpreis e Schweizer Buchpreis 2010(DE/IT) Ruth Gantert è naschida dal 1967 a Turitg, nua ch’ella viva. Ella ha studegià litteratura franzosa e taliana a Turitg, Paris e Pisa. Suenter esser stada scolasta da franzos tar la Scola auta da […]

L'articolo Ruth Gantert cun Melinda Nadj Abonji proviene da Campicoltura Valposchiavo.

]]>

Dumengia, als 9 d’october

16:00, Casa Torre
Reservaziun

Ruth Gantert discurra cun Melinda Nadj Abonji

Deutscher Buchpreis e Schweizer Buchpreis 2010
(DE/IT)

Ruth Gantert è naschida dal 1967 a Turitg, nua ch’ella viva. Ella ha studegià litteratura franzosa e taliana a Turitg, Paris e Pisa. Suenter esser stada scolasta da franzos tar la Scola auta da pedagogia da Son Gagl è ella daventada redactura, mediatura litterara e translatura. Directura artistica dal Service de Presse Suisse e directura administrativa da la Fondazione Casa Atelier Bedigliora, ella è era respunsabla da la revista da litteratura svizra Viceversa e dal siteweb viceversaletteratura.ch.

Melinda Nadj Abonji è naschida a Bečej, en Serbia, dal 1968 ed è arrivada en Svizra dal 1973. Ella ha absolvì in studi da germanistica a Turitg dal 1997. Ella ha survegnì il Buchpreis tudestg e svizzer per ses segund roman, Tauben fliegen auf (Jung und Jung, 2010), ed il ZKB Schiller­preis per il suandant, Schildkröten­soldat (Suhrkamp, 2017). Ella lavura sco autura e performer e viva a Turitg.

←

L'articolo Ruth Gantert cun Melinda Nadj Abonji proviene da Campicoltura Valposchiavo.

]]> Inscunter deditgà a Viceversa Litteratura https://campicoltura.ch/inscunter-deditga-a-viceversa-litteratura/ Tue, 06 Sep 2022 18:34:03 +0000 https://lettereallavalposchiavo.ch/?p=5900 Dumengia, als 9 d’october 11:30, Casa Torre Reservaziun Inscunter deditgà a Viceversa Litteratura Ruth Gantert preschenta il numer 16 da la revista en ina discussiun cun Silvia Ricci Lempen (Premi Svizzer da litteratura 2021) (DE/FR/IT) Ruth Gantert è naschida dal 1967 a Turitg, nua ch’ella viva. Ella ha studegià litteratura franzosa e taliana a Turitg, […]

L'articolo Inscunter deditgà a Viceversa Litteratura proviene da Campicoltura Valposchiavo.

]]>

Dumengia, als 9 d’october

11:30, Casa Torre
Reservaziun

Inscunter deditgà a Viceversa Litteratura

Ruth Gantert preschenta il numer 16 da la revista en ina discussiun cun Silvia Ricci Lempen (Premi Svizzer da litteratura 2021)

(DE/FR/IT)

Ruth Gantert è naschida dal 1967 a Turitg, nua ch’ella viva. Ella ha studegià litteratura franzosa e taliana a Turitg, Paris e Pisa. Suenter esser stada scolasta da franzos tar la Scola auta da pedagogia da Son Gagl è ella daventada redactura, mediatura litterara e translatura. Directura artistica dal Service de Presse Suisse e directura administrativa da la Fondazione Casa Atelier Bedigliora, ella è era respunsabla da la revista da litteratura svizra Viceversa e dal siteweb viceversaletteratura.ch.

Silvia Ricci Lempen è naschida a Roma dal 1951, ha passentà l’uffanza en la chapitala taliana ed è lura sa chasada en la Svizra franzosa. Ella ha studegià filosofia a las Universitads da Roma e da Genevra, nua ch’ella ha scrit sia dissertaziun. Ella è stada schurnalista, schefredactura da Femmes Suisses, collavuratura da Journal de Genève et Gazette de Lausanne e da Le Temps, essayista e professura da studis da gender a l’Universitaad da Losanna. En ils onns novanta ha ella cumanzà sia carriera da scriptura, cun publitgar cudeschs per franzos e talian. Ella ha survegnì plirs premis, tranter quels il Premi Michel-Dentan 1992 per Un homme tragique, il Premi Schiller 1996 per Le Sentier des éléphants, il Premi svizzer da litteratura 2021 per I sogni di Anna ed il Premi Alice Rivaz 2021 per Les Rêves d’Anna.

Viceversa Litteratura, cumparida per l’emprima giada il matg da 2007, è ina revista annuala deditgada a la litteratura svizra. Ella vegn publitgada per talian (Bellinzona, Edizioni Casagrande), franzos (Genève, Editions Zoé) e tudestg (Zürich, Rotpunkt­verlag), en trais volums differents e nascha da l’experientscha da la revista romanda «Feuxcroisés» cun l’intenziun da promover ils barats litterars sur las barrieras linguisticas.

viceversaletteratura.ch

←
→

L'articolo Inscunter deditgà a Viceversa Litteratura proviene da Campicoltura Valposchiavo.

]]> Carlotta Bernardoni-Jaquinta cun Olimpia De Girolamo https://campicoltura.ch/carlotta-bernardoni-jaquinta-cun-olimpia-de-girolamo/ Tue, 06 Sep 2022 18:29:44 +0000 https://lettereallavalposchiavo.ch/?p=5888 Dumengia, als 9 d’october 10:00, Casa Torre Reservaziun Carlotta Bernardoni-Jaquinta discurra cun Olimpia De Girolamo (IT) Carlotta Bernardoni-Jaquinta è licenziada en litteratura a l’Universitad da Losanna. Ella è stada redactura respunsabla da l’ediziun taliana da Viceversa Litteratura e commembra da la cumissiun da programmaziun da la Sentupada Litterara a Soloturn. Ella sa fatschenta cun translaziun […]

L'articolo Carlotta Bernardoni-Jaquinta cun Olimpia De Girolamo proviene da Campicoltura Valposchiavo.

]]>

Dumengia, als 9 d’october

10:00, Casa Torre
Reservaziun

Carlotta Bernardoni-Jaquinta discurra cun Olimpia De Girolamo

(IT)

Carlotta Bernardoni-Jaquinta è licenziada en litteratura a l’Universitad da Losanna. Ella è stada redactura respunsabla da l’ediziun taliana da Viceversa Litteratura e commembra da la cumissiun da programmaziun da la Sentupada Litterara a Soloturn. Ella sa fatschenta cun translaziun e critica litterara. Ella viva a Köniz, sper Berna.

Olimpia De Girolamo è naschida a Napoli als 6 da settember da 1975. Il matg da 1999 vegn ella licenziada en Filosofia a l’Università degli Studi di Napoli Federico II e lura sa spezialisescha ella en linguatgs cinematografics ed absolva in Master en pedagogia e didactica teatrala. Ella viva en Svizra dapi 2002, nua ch’ella dat scola da talian e sa fatschenta cun teater sco autura, actura e furmatura. Ella è co-directura artistica da l’Agorà Teatro da Magliaso, in spazi da perscrutaziun e da furmaziun bajegià dal 2005 en l’iert da sia atgna chasa. Cun il monolog La Mar ha ella guadagnà il Premi Fersen (Milan) ed è stada finalista dal Premi Donne e Teatro (Roma). Dal 2021 ha ella guadagnà il Premi Opennet da la Sentupada Litterara a Soloturn cun il raquint Il primo scalino: l’assalto del passato che daventa lura il roman Tutto ciò che siamo stati, edità da Gabriele Capelli Editore il matg 2022.

←
→

L'articolo Carlotta Bernardoni-Jaquinta cun Olimpia De Girolamo proviene da Campicoltura Valposchiavo.

]]> Ruth Gantert cun Usama Al Shahmani https://campicoltura.ch/ruth-gantert-cun-usama-al-shahmani/ Tue, 06 Sep 2022 17:57:25 +0000 https://lettereallavalposchiavo.ch/?p=5872 Sonda, als 8 d’october 20:00, Casa Torre Reservaziun Ruth Gantert discurra cun Usama Al Shahmani (DE/IT) Ruth Gantert è naschida dal 1967 a Turitg, nua ch’ella viva. Ella ha studegià litteratura franzosa e taliana a Turitg, Paris e Pisa. Suenter esser stada scolasta da franzos tar la Scola auta da pedagogia da Son Gagl è […]

L'articolo Ruth Gantert cun Usama Al Shahmani proviene da Campicoltura Valposchiavo.

]]>

Sonda, als 8 d’october

20:00, Casa Torre
Reservaziun

Ruth Gantert discurra cun Usama Al Shahmani

(DE/IT)

Ruth Gantert è naschida dal 1967 a Turitg, nua ch’ella viva. Ella ha studegià litteratura franzosa e taliana a Turitg, Paris e Pisa. Suenter esser stada scolasta da franzos tar la Scola auta da pedagogia da Son Gagl è ella daventada redactura, mediatura litterara e translatura. Directura artistica dal Service de Presse Suisse e directura administrativa da la Fondazione Casa Atelier Bedigliora, ella è era respunsabla da la revista da litteratura svizra Viceversa e dal siteweb viceversaletteratura.ch.

Usama Al Shahmani è naschì dal 1971 a Bagdad ed è creschì si a Qalat Sukar (Nasiriya), el ha studegià lingua e litteratura moderna araba. El ha publitgà trais cudeschs davart la litteratura araba, avant ch’el stoppia bandunar ses pajais per vegnir en Svizra, dal 2002, pervia dad in toc teatral. El translatescha en arab, per exempel Fräulein Stark, da Thomas Hürlimann, Der Islam, da Peter Heine e Über die Religion, da Friedrich Schleiermacher. Ses emprim roman, In der Fremde sprechen die Bäume arabisch, ha survegnì plirs premis ed è vegnì nominà per il Lieblingsbuch des Deutschschweizer Buchhandels. Tar Limmat Verlag è cumparì ses segund roman Im Fallen lernt die Feder fliegen. Usama Al Shahmani viva a Frauenfeld. Dapi 2021 è el criticher litterar tar il Literaturclub dal Schweizer Fernsehens SRF. Ses davos roman, Der Vogel zweifelt nicht am Ort, zu dem er fliegt (Limmat Verlag, 2022), è cumparì l’avust da quest on.

←
→

L'articolo Ruth Gantert cun Usama Al Shahmani proviene da Campicoltura Valposchiavo.

]]> Inscunter deditgà a la Lia Rumantscha https://campicoltura.ch/inscunter-deditga-a-la-lia-rumantscha/ Tue, 06 Sep 2022 17:50:59 +0000 https://lettereallavalposchiavo.ch/?p=5863 Sonda, als 8 d’october 16:00, Casa Torre Reservaziun Inscunter deditgà als uffants, preschentà da la Lia Rumantscha: La maschina da furtüna da Herr Widerstand Spectacul per uffants in pliras linguas, da e cun Annina Sedlacek e Nikolas Stocker (RM/DE/IT) Sar Widerstand e la maschina da furtüna. Sar Widerstand, ün scienzà instancabel e caotic, ha l’idea […]

L'articolo Inscunter deditgà a la Lia Rumantscha proviene da Campicoltura Valposchiavo.

]]>

Sonda, als 8 d’october

16:00, Casa Torre
Reservaziun

Inscunter deditgà als uffants, preschentà da la Lia Rumantscha: La maschina da furtüna da Herr Widerstand

Spectacul per uffants in pliras linguas, da e cun Annina Sedlacek e Nikolas Stocker

(RM/DE/IT)

Sar Widerstand e la maschina da furtüna. Sar Widerstand, ün scienzà instancabel e caotic, ha l’idea geniala da construir üna maschina chi fa gnir cuntaint. La maschina da furtüna! Es quai sia schanza per survgnir il premi Nobel? Sia assistenta Betta sustegna daspö ons vivamaing sias invenziuns. Pero plan a plan cumparan obsta­culs e resistenzas. Co cumanzar? Che porta furtüna? E che far lura culla furtüna? Lur proget vegn adüna plü disfurtünà. Tuots duos as perdan vieplü in lur dramas fin chi piglian cun amur lur aigna furtüna in man. Ün spectacul umoristic da la retschercha da furtüna per uffants da 5 fin 99 ons per rumantsch, talian e tudais-ch.

Da e cun: Annina Sedlacek und Nikolas Stocker
Redschia: Brita Kleindienst
Producziun: Cie. Aniko
Coproducziun: Lia Rumantscha

aniko-theater.ch

L’actura, reschissura, coach, pedagoga da teater Annina Sedlacek è naschida dal 1980 a Sent, nua ch’ella è creschida si. Suenter in diplom a la scola da ritmica Institut Jacques Dalcroze absolva ella ina furmaziun da teater a la Scuola Teatro Dimitri. Dapi 2004 lavura ella sco actura independenta, reschissura e pedagoga da teater. Ella è commembra da pliras gruppas teatralas en Spagna, Italia, Germania e Svizra. Durant l’onn dirigia ella pliras reschias e dat scola da teater en plirs lieus. Ella ha survegnì plirs premis e fa da coach tranter auter per ils uffants acturs protagonists dals films Schellenursli e Papa Moll. Dal 2018 ha ella fundà l’ANIKO Theater, ensemen cun Nikolas Stocker.

L’actur, clown, reschissur, pedagog da teater e da circus Nikolas Stocker è naschì dal 1985 a Zug. Suenter ina carriera sportiva cun titels sco champiun svizzer da judo e champiun dal mund d’airboard, sa furma el sco scrinari. Dal 2014 absolva el la Schule für Clowns, Komik und Comedy. El funda sia atgna cumpagnia Amlou ed ha ses debut dal 2016 cun il toc Nach Eden. Dapi lura lavura el sco reschissur, gioga el cun pliras troupes e sco pedagog da teater e da circus. El fa ussa in Master a l’Accademia Teatro Dimitri en teater d’objects.

La Lia Rumantscha è l’organisa­ziun tetgala da tut las persunas ed organisa­ziuns rumantschas. Sia visiun è che las Rumantschas ed ils Rumantschs dovrian la lingua cun plaschair e dettian vinavant ella a las genera­ziuns futuras, tuttina nua en Svizra che quellas vivan. La Lia Rumantscha adem­plescha in mandat federal per promover la lingua e cultura rumantscha.
←
→

L'articolo Inscunter deditgà a la Lia Rumantscha proviene da Campicoltura Valposchiavo.

]]> Walter Rosselli cun Rut Plouda https://campicoltura.ch/walter-rosselli-cun-rut-plouda/ Tue, 06 Sep 2022 17:48:30 +0000 https://lettereallavalposchiavo.ch/?p=5855 Sonda, als 8 d’october 14:00, Casa Torre Reservaziun Walter Rosselli discurra cun Rut Plouda (RM/IT) Walter Rosselli è naschì dal 1965. El è autur e translatur. El ha studegià litteratura en questa vita e scienza natirala en ina vita anteriura. El collavurescha regularmain cun la revista emnila Agricoltore Ticinese e cun Radiotelevisiun Svizra Rumantscha. Ses […]

L'articolo Walter Rosselli cun Rut Plouda proviene da Campicoltura Valposchiavo.

]]>

Sonda, als 8 d’october

14:00, Casa Torre
Reservaziun

Walter Rosselli discurra cun Rut Plouda

(RM/IT)

Walter Rosselli è naschì dal 1965. El è autur e translatur. El ha studegià litteratura en questa vita e scienza natirala en ina vita anteriura. El collavurescha regularmain cun la revista emnila Agricoltore Ticinese e cun Radiotelevisiun Svizra Rumantscha. Ses ultim cudesch ha num Les saisons du Mélèze (Tarabuste, 2022).

Rut Plouda es nada dal 1948 e creschüda sü a Tarasp, Engiadina. Ella ha frequentà plü tard il seminari da magisters e magistras a Cuoira. A Ftan ha ella maridà sco giuvna magistra primara ed ha gnü insembel cun seis hom trais uffants. Rut Plouda scriva poesias e prosa cuorta per rumantsch (vallader) sco eir texts per l’emischiun Impuls dal Radio Rumantsch ed es magistra da rumantsch per persunas creschüdas. Ella viva a Ftan.

←
→

L'articolo Walter Rosselli cun Rut Plouda proviene da Campicoltura Valposchiavo.

]]> Walter Rosselli cun Elisa Shua Dusapin https://campicoltura.ch/walter-rosselli-cun-elisa-shua-dusapin/ Tue, 06 Sep 2022 17:43:18 +0000 https://lettereallavalposchiavo.ch/?p=5845 Sonda, als 8 d’october 11:30, Casa Torre Reservaziun Walter Rosselli discurra cun Elisa Shua Dusapin Premi Svizzer da litteratura 2019, National Book Award for Translated Literature 2021(FR/IT) Walter Rosselli è naschì dal 1965. El è autur e translatur. El ha studegià litteratura en questa vita e scienza natirala en ina vita anteriura. El collavurescha regularmain […]

L'articolo Walter Rosselli cun Elisa Shua Dusapin proviene da Campicoltura Valposchiavo.

]]>

Sonda, als 8 d’october

11:30, Casa Torre
Reservaziun

Walter Rosselli discurra cun Elisa Shua Dusapin

Premi Svizzer da litteratura 2019, National Book Award for Translated Literature 2021
(FR/IT)

Walter Rosselli è naschì dal 1965. El è autur e translatur. El ha studegià litteratura en questa vita e scienza natirala en ina vita anteriura. El collavurescha regularmain cun la revista emnila Agricoltore Ticinese e cun Radiotelevisiun Svizra Rumantscha. Ses ultim cudesch ha num Les saisons du Mélèze (Tarabuste, 2022).

Elisa Shua Dusapin è naschida dal 1992 d’in bab franzos e d’ina mamma sidcoreana ed è creschida tranter Paris, Seoul e Porrentruy. Suenter il diplom da l’Institut litterar svizzer da Bienna è ella stada l’emprim actura, dirigida da Maya Bösch, entant ch’ella studegiava enavant Litteratura a l’Universitad da Losanna. Ses emprim roman, Hiver à Sokcho (Zoé, 2016, Folio 2018) ha survegnì blers premis en Svizra ed en Frantscha e sia translaziun americana ha survegnì il prestigius National Book Awards 2021. El è vegnì adattà al teater ed è vi da vegnir adattà al kino dal reschissur Koya Kamura. Ses segund roman, Les Billes du Pachinko (Zoé, 2018, Folio 2020) ha survegnì il Premi svizzer da litteratura ed il Premi Alpes-Jura. Vladivostok Circus (Zoé, 2020, Folio 2022) è vegnì nominà per il Prix Femina, il Prix Femina des lycéens ed il Roman des Romands. Ses romans èn vegnids translatads en quasi ventg linguas. Per la scena firma ella las creaziuns per giuvenils M’sieur Boniface (2015), Olive en Bulle (2018) e per las marionnettas: Le Rossignol et l’Empereur (2020). Ella participescha a scriver l’adattaziun teatrala dad Hiver à Sokcho (2021) ensemen cun Frank Sémelet. Dal 2022 firma ella Le Colibri, in’incumbensa dal teater Am Stram Gram dirigì da Joan Mompart. Ella viva a Porrentruy.

←
→

L'articolo Walter Rosselli cun Elisa Shua Dusapin proviene da Campicoltura Valposchiavo.

]]> Fabiano Alborghetti cun Yari Bernasconi https://campicoltura.ch/fabiano-alborghetti-cun-yari-bernasconi/ Tue, 06 Sep 2022 17:36:19 +0000 https://lettereallavalposchiavo.ch/?p=5828 Sonda, als 8 d’october 10:00, Casa Torre Reservaziun Fabiano Alborghetti discurra cun Yari Bernasconi Premi Terra Nova 2016, Premi svizzer da litteratura 2022(IT) Fabiano Alborghetti (1970) ha publitgà 6 rimnadas da poesia, tranter ellas Maiser (Premi Svizzer da Litteratura 2018), en pli da diversas plaquettes u ediziuns d’art. Translaziuns da sias poesias èn vegnidas publitgadas […]

L'articolo Fabiano Alborghetti cun Yari Bernasconi proviene da Campicoltura Valposchiavo.

]]>

Sonda, als 8 d’october

10:00, Casa Torre
Reservaziun

Fabiano Alborghetti discurra cun Yari Bernasconi

Premi Terra Nova 2016, Premi svizzer da litteratura 2022
(IT)

Fabiano Alborghetti (1970) ha publitgà 6 rimnadas da poesia, tranter ellas Maiser (Premi Svizzer da Litteratura 2018), en pli da diversas plaquettes u ediziuns d’art. Translaziuns da sias poesias èn vegnidas publitgadas en cudeschs, revistas u antologias en pli che 10 linguas. El represchenta la lingua taliana e la Svizra en il mund sin incumbensas ufficialas. El ha scrit critica litterara, fundà revistas, creà programs da radio, projects en praschuns, scolas ed ospitals. El è promotur cultural. El è commember da la cumissiun da programma­ziun dals festivals Chiasso­letteraria e Lettere dalla Svizzera alla Valposchiavo. El è president da la Casa della Letteratura per la Svizzera italiana. Ses ultim cudesch è Corpuscoli di Krause (Gabriele Capelli Editore, 2022).

fabianoalborghetti.ch

Yari Bernasconi è naschì a Lugano dal 1982 e viva a Hinterkappelen, sper Berna. Suenter il debut cun il poem Lettera da Dejevo (Alla chiara fonte) dal 2009 e la rimnada Non è vero che saremo perdonati (en l’Undicesimo quaderno italiano di poesia contemporanea, Marcos y Marcos, 2012), ha el publitgà pliras plaquettes e dus cudeschs da poesia: Nuovi giorni di polvere (Edizioni Casagrande, 2015, Premi Terra Nova da la Fundaziun Schiller, translatà per franzos dad Anita Rochedy tar las éditions d’en bas ed en tudestg da Julia Dengg tar Limmat Verlag) e La casa vuota (Marcos y Marcos, 2021, Premi svizzer da litteratura). Yari Bernasconi ha er scrit, ensemen cun il scriptur Andrea Fazioli, il reportage litterar A Zurigo, sulla luna. Dodici mesi in Paradeplatz (Gabriele Capelli Editore, 2021, translatà per tudestg da Marina Galli tar Limmat Verlag).

←
→

L'articolo Fabiano Alborghetti cun Yari Bernasconi proviene da Campicoltura Valposchiavo.

]]> Performance musicala https://campicoltura.ch/performance-musicala/ Tue, 06 Sep 2022 17:30:00 +0000 https://lettereallavalposchiavo.ch/?p=5819 Venderdi, als 7 d’october 20:30, Casa Torre Reservaziun Performance musicala da e cun Melinda Nadj Abonji e Simone Keller Lecturas scenicas dad Olimpia De Girolamo e Massimiliano Zampetti Cun Melinda Nadj Abonji e Simone Keller cumparan duas artistas enconuschentas a nivel internaziunal, che han blera affinitad per lur art respectiv. L’autura Melinda Nadj Abonji, che […]

L'articolo Performance musicala proviene da Campicoltura Valposchiavo.

]]>

Venderdi, als 7 d’october

20:30, Casa Torre
Reservaziun

Performance musicala da e cun Melinda Nadj Abonji e Simone Keller

Lecturas scenicas dad Olimpia De Girolamo e Massimiliano Zampetti

Cun Melinda Nadj Abonji e Simone Keller cumparan duas artistas enconuschentas a nivel internaziunal, che han blera affinitad per lur art respectiv. L’autura Melinda Nadj Abonji, che ha survegnì il Schweizer Buchpreis ed il Deutscher Buchpreis per ses cudesch Tauben fliegen auf, ha gugent la musica ed è in’excellenta chantadura. La pianista Simone Keller, che ha dacurt survegnì il Premi svizzer da musica, s’interessescha a la litteratura, cumpara sin bleras scenas da teater, la davosa giada al sogar Theater cun il toc Extensions. Ellas han collavurà per l’emprima giada per il festival unerhört! 2019. Al center da quel program eran ils texts brigliants da Rosa Luxemburg e la musica energica da la cumponista russa Galina Ustwolskaja. Melinda Nadj Abonji e Simone Keller avran Lettere dalla Svizzera alla Valposchiavo cun ina poesia da Hilde Domin e musica da bellezza, cumponida per questa occurrenza. As laschai surprender!

Melinda Nadj Abonji è naschida a Bečej, en Serbia, dal 1968 ed è arrivada en Svizra dal 1973. Ella ha absolvì in studi da germanistica a Turitg dal 1997. Ella ha survegnì il Buchpreis tudestg e svizzer per ses segund roman, Tauben fliegen auf (Jung und Jung, 2010), ed il ZKB Schiller­preis per il suandant, Schildkröten­soldat (Suhrkamp, 2017). Ella lavura sco autura e performer e viva a Turitg.

masterplanet.ch/melinda

La pianista classica Simone Keller (*1980) sa mova tranter divers stils e geners, tschertga l’experimental ed è attenta a la tradiziun. Ella stgaffescha lioms, cunzunt cun s’engaschar ferm per in access pli grond a la musica en la societad. Sia activitad da concertista ha lieu en instituziuns internaziunalas da renum sco en lieus pli marginals e da nischa, nua ch’ella s’avischina adina puspè al nov ed al nunusità.

simonekeller.ch

Olimpia De Girolamo è naschida a Napoli als 6 da settember da 1975. Il matg da 1999 vegn ella licenziada en Filosofia a l’Università degli Studi di Napoli Federico II e lura sa spezialisescha ella en linguatgs cinematografics ed absolva in Master en pedagogia e didactica teatrala. Ella viva en Svizra dapi 2002, nua ch’ella dat scola da talian e sa fatschenta cun teater sco autura, actura e furmatura. Ella è co-directura artistica da l’Agorà Teatro da Magliaso, in spazi da perscrutaziun e da furmaziun bajegià dal 2005 en l’iert da sia atgna chasa. Cun il monolog La Mar ha ella guadagnà il Premi Fersen (Milan) ed è stada finalista dal Premi Donne e Teatro (Roma). Dal 2021 ha ella guadagnà il Premi Opennet da la Sentupada Litterara a Soloturn cun il raquint Il primo scalino: l’assalto del passato che daventa lura il roman Tutto ciò che siamo stati, edità da Gabriele Capelli Editore il matg 2022.

Massimiliano Zampetti è actur, sincronisatur, speaker e reschissur. El ha creà pli che trenta spectaculs. El ha collavurà cun bleras instituziuns, tranter quellas: Teatro d’Emergenza, LAC Lugano, Teatro Sociale di Bellinzona, RSI radio e televisione. Cun Radix Svizzera italiana sviluppescha el spectaculs interactivs en las scolas per prevegnir las depend­enzas. Dacurt ha el creà l’associaziun Ex/Novo per facilitar la collavura­ziun tranter las diversas instituziuns artisticas en il Tessin.

exnovoteatro.com

←
→

L'articolo Performance musicala proviene da Campicoltura Valposchiavo.

]]>